Sonte në Shën Pjetër, Lëvizja e dashurisë familjare lutet për Papën
Të bashkuar rreth Papës Françesku: me këtë synim, Lëvizja e Dashurisë Familjare mblidhet
për të nëntin vit radhazi, në Sheshin e Shën Pjetrit në Vatikan, që të lutet për Atin
e Shenjtë e papninë e tij. Kryesuar nga kardinali Anxhelo Komastri, lutja do të fillojë
në orën 21.00 e do të zgjasë një orë. Të gjithë janë të ftuar. Gjithashtu, ajo mund
të ndiqet edhe në faqen e internetit “amorefamiliare.it”.