Հովանաւորութեամբ հայ կաթողիկէ Ս. Խաչ եկեղեցւոյ ժողովրդապետութեան եւ կազմակերպութեամբ
Հայ կաթողիկէ համալսարանականներու միութեան (ՀԿՀՄ), երէկ` չորեքշաբթի, 19 յունիս 2013-ին,
երեկոյեան ժամը 8:00-ին, Զալքայի Ս. Խաչ եկեղեցւոյ սրահին մէջ տեղի ունեցաւ «Այնճարէն
նրբագիծեր» թեմայով Նանօր Հաճեանի գեղանկարներու ցուցահանդէսի բացման հանդիսութիւնը`
ներկայութեամբ հոգեւոր հայրերու, կրթական պատասխանատուներու, արուեստագէտներու եւ արուեստասէրներու: Հանդիսութեան
բացման խօսքը ՀԿՀՄ-ին անունով արտասանեց Արամ Գարատաղլեան, որ նշեց, թէ ՀԿՀՄ-ը իր հիմնադրութեան
օրերէն մնայուն կերպով քաջալեր հանդիսացած է հայ մշակոյթին եւ ժառանգութեան պահպանման
ծառայող աշխատանքներուն` իր կարելիութեան սահմաններուն մէջ բերելով իր մասնակցութիւնը:
Ան աւելցուց, որ ցուցահանդէսին նիւթական շահը պիտի տրամադրուի Հայ կաթողիկէ Ս. Խաչ-Հարպոյեան
վարժարանի նախակրթարանի վերանորոգութեան ծրագիրներուն: