Пантыфік: дапамагаць ахвярам вайны ў Сірыі і хрысціянам Святой Зямлі
Папа Францішак заклікаў
дапамагчы сірыйскаму народу і выразіў заклапочаннасць насіллем і небяспекай, якія
спадарожнічаюць жыццю хрысціян у Святой Зямлі. 20 чэрвеня Пантыфік прыняў на аўдыенцыі
ўдзельнікаў 86-й сесіі Пленарнай асамблеі ініцыятыў дапамогі Усходнім Цэрквам (ROACO)
– аб’яднання дабрачынных арганізацый з усяго свету, якія фінансава падтрымліваюць
дзейнасць хрысціян Блізкага Усходу. Звяртаючыся да ўдзельнікаў сустрэчы, Францішак
папрасіў іх “рабіць усё магчымае”, каб забяспецыць вялікія патрэбы народаў, пацярпеўшых
у выніку канфліктаў, асабліва сірыйскага”, і нагадаў, што колькасць бежанцаў з гэтай
краіны пастаянна павялічваецца. Папа таксама закрануў праблемы хрысціян у Святой Зямлі.
Ён адзначыў, што прысутнасць іерархаў з гэтага рэгіёна у сэрцы пераносіць яго “да
святых месцаў нашага Адкуплення”, але, у той жа час, ажыўляе заклапочанасць сітуацый
шматлікіх братоў і сясцёр, якія жывуць у небяспецы і насіллі. “Ад нас вернікаў патрабуецца
пастаянная і даверлівая малітва, каб Пан падараваў доўгачаканы мір, адзінства ў разнастайнасці
і трывалую салідарнасць. Хачу яшчэ раз, з глыбіні майго сэрца, звярнуцца да адказных
за народы і міжнародныя арганізацыі, каб паклалі канец кожнаму болю, насіллю і рэлігійнай,
культурнай і сацыяльнай дыскрымінацыі”, - сказаў Папа.
Францішак заклікаў “не
губляць надзеі” перад абліччам цяжкасцяў і пажадаў, каб як мага хутчэй наступіў канец
супрацьстаянню. “Няхай канфлікты, якія сеюць смерць, пакінуць месца сустрэчы і прымірэнню,
якія нясуць жыццё”, - пажадаў Святы Айцец.