2013-06-19 14:26:32

Ուաշինկթըն Կը Մերժէ Ամերիկացիներուն Կողմէ
Թաքսիմի Ցոյցերու Գրգռումին Վերաբերող
Ամբաստանութիւնները


Միացեալ Նահանգներու արտաքին գործոց նախարարութեան բանբեր Ճեն Փսաքի մերժեց թրքական մամուլին մէջ հրապարակուած այն լուրերը, թէ ամերիկացի քաղաքացիներ Թուրքիոյ իրադարձութեանց մէջ դերակատարութիւն ունին:
«Մենք կտրուկ կերպով կը մերժենք այն ամբաստանութիւնները, թէ ամերիկեան խմբաւորումներ կամ անհատներ պատասխանատու են կամ հրահրած են… Թուրքիոյ բողոքի ցոյցերը», ըսաւ ան:
«Մենք կեդրոնացած ենք հանդարտութեան եւ զսպուածութեան կոչ ուղղելու վրայ: Կը շարունակենք Թուրքիոյ սերտ դաշնակիցը մնալ», ըսաւ ան` աւելցնելով, որ «անշուշտ, այն բազմաթիւ առիթներուն, երբ դուք կամ ուրիշներ մեր ունեցած մտահոգութեանց մասին հարցուցած էք, զանոնք ներկայացուցած եւ անոնց մասին խօսած եմ: Եւ այդ իմաստով որեւէ ձեւով ետ չենք կանգնած», նշեց Փսաքի:
Ան նշեց, որ շաբաթավերջին տեղեկութիւններ հրապարակուեցան, թէ բժիշկներ, որոնք վիրաւոր ցուցարարներ դարմանած են, հետապնդումի կ՛ենթարկուին` աւելցնելով, որ «բոլոր այդ տեղեկութիւնները մեծապէս մտահոգիչ են, եւ մենք անոնց հետեւելու վրայ կեդրոնացած ենք… Մենք անշուշտ կը դատապարտենք այս պարագաներուն որեւէ մէկուն մէջ անհամաչափ ուժի օգտագործումը»:







All the contents on this site are copyrighted ©.