“Ад канфлікта да еднасці” – каталіцка-лютэранскі дакумент
“Ад канфлікта да еднасці”
– так называецца супольны дакумент Міжнароднай камісіі па дыялогу паміж Сусветнай
федэрацыяй лютэранскіх Цэркваў і Папскай рады спрыяння хрысціянскаму адзінству. Яго
прэзентацыя адбылася 17 чэрвеня ў Жэневе ў прысутнасці старшыні ватыканскай дыкастэрыі
кардынала Курта Коха і генеральнага сакратара Сусветнай федэрацыяй лютэранскіх Цэркваў
Марціна Юнга. Мэтай дакумента з’яўляецца пераадоленне ўзаемных непаразуменняў і спрыянне
супольнаму сведчанню хрысціян у свеце. Паводле адказанага за адносіны з лютэранамі
ў Папскай радзе спрыяння хрысціянскаму адзінству, кс. прэлата Маціаса Турка, у рамках
каталіцка-лютэранскага дыялога атрымалася знайсці агульны фундамент у пытаннях, якія
тычацца веры і прыйсці да высновы, што яны больш не з’яўляюцца прычынай для падзелаў.
У дакуменце, нягледзячы на тое, што падкрэсліваюцца існуючыя адметнасці паміж
каталіцкай і лютэранскай верай, адзначаецца таксама дасягненне пэўнага этапа экуменічнага
шляху, на якім католікі і лютэране могуць прадстаўляць розную інтэрпрытацыю гісторыі
і ўзаемна паважаць шчырую веру кожнай с cупольнасцяў.