எகிப்தில் விவிலிய நூலை எரித்த இஸ்லாமிய மதபோதகருக்கு தண்டனை

ஜூன்,17,2013. எகிப்தில் கிறிஸ்தவர்களின் புனித நூலான விவிலியத்தை எரித்த இஸ்லாமிய மதபோதகரும் தொலைக்காட்சி நிகழ்ச்சிகளை நடத்துபவருமான அபு இஸ்லாமுக்கு 11 ஆண்டுகள் சிறைத் தண்டனை விதிக்கப்பட்டுள்ளது.
இஸ்லாத்துக்கு எதிரான வீடியோ ஒன்று, அமெரிக்காவில் தயாரிக்கப்பட்டிருந்ததை எதிர்த்து, கெய்ரோவில் உள்ள அமெரிக்கத் தூதரகத்துக்கு முன்பாக நடந்த ஆர்ப்பாட்டங்களுக்குத் தலைமை ஏற்றிருந்தவர் அபு இஸ்லாம் என்பது குறிப்பிடத்தக்கது.
இந்த ஆர்ப்பாட்டத்தில் பங்கேற்ற அபு இஸ்லாமின் மகனுக்கும் எட்டு ஆண்டுகள் சிறைத் தண்டனை விதிக்கப்பட்டுள்ளது.
ஆனால் இவர்கள் இருவரும் சில நூறு டாலர்கள் கணக்கில் அபராதம் செலுத்தினால் இவர்களது சிறைத்தண்டனை நிறுத்தி வைக்கப்படும் என நீதிமன்றத் தீர்ப்பு அமைந்துள்ளது.

ஆதாரம் : BBC