Լքուած Հայկական Եկեղեցին Կը Սպասէ Իր Տէրերուն. Թուրք Գիւղացիին Կոչը Հայերուն
Թուրքիոյ Եուքսէքօվա շրջանի Էսենտերէ բնակավայրի Ետիվերէն գիւղին մէջ կանգուն վիճակի
մէջ կը շարունակէ գոյատեւել 1600-ամեայ հայկական եկեղեցին: Կառուցումէն ետք եկեղեցին
շրջապատուծ է քարէ պարիսպներով, եւ անոնց շնորհիւ մինչեւ այսօր ան ամբողջապէս կանգուն
է: Եկեղեցին ունի ծիսական արարողութիւններու, հոգեւոր սպասաւորներու համար առանձին սրահներ,
ինչպէս նաեւ հարսանեկան արարողութիւններու համար նախատեսուած 3 առանձին սենեակներ: Եկեղեցին
բաւական գեղեցիկ է եւ աւելի կը գեղեցկանայ շրջակայքի բնութեան շնորհիւ: Եկեղեցւոյ ոչ
հեռու կ’առանձնանայ ջրվէժը: Իսկ ջրվէժին եւ եկեղեցւոյ միջեւ կայ նաեւ քարանձաւ: Քարանձաւի
մուտքին մօտ պատերը զարդանախշուած են խաչով, զանազան կենդանակերպի նկարներով, եւ նշաններով: Ըստ
panorama.am-ին՝ թրքական «haberFX9 կայքը կը տեղեկացնէ, որ 1915 թուականին այդ եկեղեցին
լքուած է, իսկ եկեղեցւոյ 150 քիլօ գանգը` գողցուած: Եկեղեցւոյ մօտ հայերու բնակատեղի
հանդիսացող Պաժիրկէ Էմրիքէոյի բնակիչներուն մէկ մասը գաղթած է Իրան, իսկ միւս մասը` Ռուսաստան:
Պաժիրկէ հայկական բնակավայրը յետագայ տարիներուն ոչնչացուած է, իսկ աւելի ուշ դրացի գիւղի
բնակիչներուն համար օգտագործուած է իբրեւ արօտավայր: 12 Սեպտեմբեր 1980-ի յեղաշրջումէն
ետք երկրի շատ վայրերու մէջ ոչնչացուած են պատմամշակութեանին շարք մը եկեղեցիներ, յուշարձաններ:
Յիշեալ եկեղեցին կանգում մնացած է զուտ այն բանի շնորհիւ, որ Ետիվերէն գիւղը սարքերու
համար անցանելի ճանապարհ չէ ունեցած: Ետիվերէն գիւղի բնակիչներէն Իսլամ Եմենը ըսած է,
որ իրենց բնակավայրը պատմամաշկութային կոթողներով հարուստ տարածք է եւ անոնք կերտած են
հայերը: Ան հայերուն կոչ ըրած է վերադառնալ եւ տէր կանգնիլ իրենց կոթողներուն: Իսլամ
Եմենը տեղեկացուցած է, որ իրենք իրենց ուժերուն ներածին չափ կը պահպանեն եկեղեցին, սակայն
այն վերանորոգելու կարիք ունի: Անոր համոզումով, եթէ եկեղեցին վերականգուի, ապա կը նպաստէ
այդ բնակավայրի մէջ զբօսաշրջութեան զարգացման: