Папа Францішак супраць смяротнага пакарання

Папа Францішак перакананы, што чалавецтва можа эфектыўна супрацьстаяць злачыннасці без выкарыстання смяротнага пакарання. Аб гэтым гаворыцца ў тэлеграме да ўдзельнікаў V Сусветнага кангрэса супраць смяротнага пакарання, які ў мінулыя дні праходзіў у Мадрыдзе. У форуме, арганізаваным грамадскай асацыяцыяй “Разам супраць смяротнага пакарання”, прынялі ўдзел больш за 1,5 тыс. асоб. Пантыфік лічыць, што пакаранне смерцю павінна быць заменена на іншае, якое б прадугледжвала шанс для злачынцы задумацца над сваімі праступкамі і выправіцца, а нявіннаму падарыла надзею на справядлівасць. “Сёння, як ніколі, неабходны напамін і пацвярджэнне неабходнасці прызнання і паўсюднай пашаны для годнасці чалавечага жыцця і яго непамернай вартасці”, - гаворыцца ў тэлеграме за подпісам кардынала Дзяржсакратара Тарчызіо Бэртонэ. Падкрэсліваецца таксама, што пазіцыя Апостальская Сталіцы па адмене смяротнага пакарання з’яўляецца інтэгральнай часткай абароны жыцця ўсіх людзей.