Իրանի Նախագահական Ընտրութիւններուն Նախնական Արդիւնքներով Առաջնակարգը Բարեփոխումներու Կողմնակից Ռուհանին է

Իրանի իշխանութիւնները նախօրէին երկրին մէջ կայացած նախագահական ընտրութիւններէն ետք հաշուած են 1759079 քուէաթերթիկ, որուն իբրեւ արդիւնք պարզուած է, որ անոնց 47.46%-ը տրուած է բարեփոխումներու կողմնակից, ազգային անվտանգութեան խորհուրդի նախկին քարտուղար, «միջնորդ վեցնեակ»-ի հետ նախկին միջուկային բանակցորդ Հասան Ռուհանին: Այս մասին կը յայտնէ Tert.am-ը՝ վկայակոչելով «ՌԻԱ Նովըսթ»-ին:
Նշեն, որ իշխանութիւնները դեռ չեն հաշուած բոլոր քուերաթերթիկները եւ, եթէ Ռուհանի հաւաքի 50%-էն աւելի ձայն, ուստի երկրի նախագահ կը ճանչցուի առաջին իսկ փուլով: Ըստ նախնական հաշուարկներուն՝ 2-րդ տեղը Թեհրանի քաղաքապետ Մուհամմատ Պաղեր Ղալիպաֆն է (18,22%), իսկ առաջնակարգներու եռեակը կ’եզրափակէ Իրանի անվտանգութեան խորհուրդի գործող քարտուղար Սայիտ Ջալիլին (14,66%):