Касцёл дапамагае карэнным народам і сялянам Лацінскай Амерыкі
З 18 па 21 чэрвеня
ў перуанскім Арэкіпа будзе праходзіць штогадовае пасяджэнне адміністрацыі Аўтаномнага
фонду “Populorum Progressio”. На ім будуць абмеркаваны пытанні фінансавай падтрымкі
праектаў у інтарэсах карэнных супольнасцяў Лацінскай Амерыкі і Карыбскага басейна.
Кіруе фондам старшыня Папскай рады “Cor Unum” кардынал Рабэр Сара. Знамянальна, што
ўпершыню пасяджэнне адбудзецца падчас пантыфікату Францішка, які заклікаў да будавання
“Касцёла беднага і для бедных”, адзначаецца ў паведамленні Фонду. Ужо вядома, што
чарговае пасяджэнне адбудзецца ў наступным годзе ў Рыме, каб мець магчымасць непасрэдна
пачуць меркаванне папы Францішка аб напрамках дзейнасці і будучыні структуры.
Дзейнасць
“Populorum Progressio” скіравана перш за ўсё на дапамогу карэнным народам і сялянам,
якія складаюць высокі працэнт насельніцтва ў Лацінскай Амерыкі. Імклівы працэс урбанізацыі
кантынента і навязванне постмадэрнісцкай культуры ізалявалі гэтыя пласты грамадства
ад сацыяльнага кантэксту і развіцця, да якога іншыя маюць доступ. Такім чынам, яны
перажываюць глыбокую маргіналізацыю і адсутнасць абароны, губляючы ў многіх выпадках
несправядліва права ўласнасці на свае зямлі. Фонд быў створаны ў 1992 г. і паслужыў
адпраўным пунктам для паўстання Папскай Рады “Cor Unum”.
У гэтым годзе на нарадзе
будзе прадстаўлена 222 праекты з 18 краін, уключаючы Калумбію, Бразілію, Перу і Эквадор.
Яны датычаць вытворчасці, перш за ўсё у сельскай гаспадарцы, рамёствах, на малых прыемствах;
грамадскай інфраструктуры, у тым ліку забеспячэння пітнай вадой; адукацыі і аховы
здароўя.
Сярод найбуйнейшых донараў фонду “Populorum Progressio” – італьянская
біскупская канферэнцыя.