Իսրայէլ «Ժընեւ-2» Իր Մասնակցութիւնը Անօգուտ Կը Նկատէ:
Իսրայէլի արտաքին գործոց փոխնախարար Զայիֆ Ալքին երէկ Մոսկուայի մէջ տրուած մամլոյ ասուլիսի
մը ընթացքին յայտարարեց, որ Իսրայէլ Սուրիոյ շուրջ «Ժընեւ-2» միջազգային խորհրդաժողովին
իր մասնակցութեան հարցը պիտի քննարկէ, եթէ այդ ուղղութեամբ հրաւէր մը ստանայ, սակայն
Իսրայէլ իր մասնակցութիւնը անօգուտ կը նկատէ: «Չեմ գիտեր, թէ Իսրայէլ ինչպէ՛ս կրնայ
այս հոլովոյթին նպաստել: Տագնապին առնչակից կողմերէն որեւէ մէկուն հետ կապի մէջ չենք»,
ըսաւ ան` շեշտելով, որ Իսրայէլ Սուրիոյ տագնապին չի միջամտեր եւ սուրիական ընդդիմութեան
չ՛աջակցիր: