Երեւանի Քաղաքապետ Տարօն Մարգարեան Տուաւ Իր Երդումը

Երէկ Երեւանի քաղաքապետարանին մէջ քաղաքապետ Տարօն Մարգարեանի երդմնակալութեան արարողութեան ժամանակ ելոյթ ունեցաւ նախագահ Սերժ Սարգսեան, որ յայտնեց, թէ յառաջիկայ չորս տարիներուն ընթացքին Երեւանի մէջ անբարեկարգ բակ պիտի չ՛ըլլայ:
Նախագահ Սերժ Սարգսեան գովեստի խօսքեր յղեց քաղաքապետի պաշտօնը երկրորդ անգամ ստանձնող Մարգարեանի հասցէին` նշելով, որ եթէ ան եւ իր խմբակիցները շարունակեն վայելել երեւանցիներուն վստահութիւնը, ապա մայրաքաղաքին մէջ շատ բան կրնան ընել:
Տարօն Մարգարեան, ստանձնելով քաղաքապետի պաշտօնը, երդում տուաւ պահպանելու Հայաստանի սահմանադրութիւնը, ազնուօրէն կատարելու Երեւանի քաղաքապետի լիազօրութիւնները եւ գործելու ի բարօրութիւն Երեւանի բնակիչներուն: