Նախագահ Սլէյման Պահանջեց Իրանեան Դեսպանատան Մօտակայքը Արձանագրուած Դէպքին Ծալքերը

Նախագահ Սլէյման նախագահական պալատին մէջ ընդունեց Լիբանանի մէջ Իրանի դեսպան Ղատանֆար Ապատին, որուն հետ քննարկեց երկկողմանի յարաբերութիւնները, ինչպէս նաեւ կիրակի օրուան ցոյցին ընթացքին արձանագրուած սպանութեան դէպքը:
Հանրապետութեան նախագահ զօր. Միշել Սլէյման երէկ ընդհանուր դատախազի պաշտօնակատար Սամիր Համմուտէն եւ ապահովական պատասխանատուներէ պահանջեց արագօրէն բացայայտել իրանեան դեսպանատան մօտակայքը արձանագրուած դէպքին ծալքերը, ինչպէս նաեւ ձերբակալել բոլոր յանցագործներն ու հրահրողները:
Նախագահ Սլէյման ընդունեց նաեւ ընկերային հարցերու նախարարի պաշտօնակատար Ուաէլ Ապու Ֆաուրը, որուն հետ քննարկեց նախարարութեան իրադարձութիւնները, ինչպէս նաեւ Սուրիայէն Լիբանան հասած գաղթականներու թղթածրարին վերաբերող հարցեր: