Клопат пра хворых дзяцей у цэнтры ўвагі Святога Пасаду
14-15 чэрвеня ў Ватыкане
пройдзе IV Міжнародны сімпозіўм, прысвечаны клопату пра здароўе дзяцей. Форум пад
назвай “Дзіця, як асоба і пацыент” арганізуе Папская рада пастырства работнікаў сферы
аховы здароўя. У яго рамках адбудуцца выступленні спецыялістаў у галіне педыятрыі,
медыцынскай этыкі і тэалогіі з усіх пяці кантынентаў. Акрамя таго, яны будуць мець
магчымасць абмеркаваць актуальныя пытанні ў працоўных групах. Сярод тэмаў, якія будуць
закрануты навукоўцамі: праблемы звязаныя з антрапалогіяй болю, дзіцячай інваліднасцю,
анкалогіяй, ужываннем псіхатропных лекаў, этыкай і іншыя. Удзельнікі сімпозіўма пазнаёмяць
адзін аднаго з досведам клопату Касцёла і грамадства аб хворых дзецях на розных кантынентах. Апостальскую
Сталіцу на мерапрыемстве будуць прадстаўляць старшыня Папскай рады пастырства работнікаў
сферы аховы здароўя арцыбіскуп Зыгмунт Зімоўскі і некаторыя іншыя супрацоўнікі і кансультанты
гэтай ватыканскай дыкастэрыі.