Папа: дзесяць Божых Запаведзяў - наша "так" Любові
Дзесяць Божых запаведзяў
не з’яўляюцца “абмежаваннем свабоды”, але “так” для Любові, каб бараніць чалавека,
і накіроўваць яго да сапраўднай свабоды, сказаў папа Францішак. 8 чэрвеня, вечарам,
Пантыфік звярнуўся з відэазваротам да ўдзельнікаў ініцыятывы “ Дзесяць Плошчаў для
дзесяці Запаведзяў”, якая прайшла ў італьянскім Мілане. Святы Айцец адзначыў, што
слова “запаведзь” не з’яўляецца сёння ў модзе, бо часта выклікае ў чалавеку штосці
адмоўнае, быццам бы волю кагосці, хто спрычыняе абмежаванні. “Дзесяць Божых запаведзяў
паказваюць нам шлях, якім мы павінны ісці, а таксама ўяўляюць сабой свайго роду “этычны
кодэкс” для пабудовы справядлівага грамадства, паводле жадання чалавека”, - адзначыў
Пантыфік. Паводле Святога Айца, калі мы адкідаем Бога ў сваім жыцці і на яго месца
ставім ідалаў- гэта спрычыняе нам толькі шмат матарыяльных і маральных бедстваў.
“ Дзесяць Божых Запаведзяў вучаць нас як пазбегнуць у нашым жыцці рабства, якое выклікаюць
шматлікія ідалы, якіх мы самі ствараем, і якіх мы шмат разоў зазналі ў гістрыі і надалей
зазнаем”, - сказаў Папа да удзельнікаў сустрэчы, якую зарганізаваў рух “Аднаўленне
ў Святым Духу” у супрацоўніцтве з Папскай радай па новай евангелізацыі.
На
думку Папы дзесяць запаведзяў вучаць нас “жыць з павагай да людзей, перамагаць прагу
ўлады, грашэй і быць шчырымі і сумленнымі ў нашых адносінах з іншымі. “Бо сапраўдная
свабода -гэта не эгаізм, нашы сляпыя імкненні,але тое, што мы павінны любіць і выбіраць
тое, што з’яўляеца добрым у кожнай сітуацыі”, - сказаў Папа да ўдзельнікаў мітынту
ў Мілане.