Սթամպուլի «Կեզի» այգիի պահպանման համար սկսած դիմակայութեան կը մասնակցի նաեւ պոլսահայերու
«Նոր զարթօնք» շարժումը: News.am-ի փոխանցումով` սթամպուլահայերու «Նոր զարթօնք» շարժման
կողմնակիցները «Կեզի» այգիի պահպանութեան նուիրուած ցոյցերուն կը պարզեն պաստառներ, որոնց
վրայ գրուած են հետեւեալ տողերը. «Սուրբ Յակոբ հայկական գերեզմանոց. 1551-1939. Մեր գերեզմանը
վերցուցիք, մեր այգին չէք կրնար վերցնել», «Հաւասարութիւն, եղբայրութիւն, խաղաղութիւն,
ազատութիւն. Նոր զարթօնք»: Նշենք, որ Սթամպուլի Թաքսիմ հրապարակի հարեւանութեամբ գտնուող
«Կեզի» այգիի տարածքին 1551-էն մինչեւ 1939 թուականը եղած է հայկական գերեզմանոց: Հայկական
գերեզմանատան տեղը կառուցուած է «Տիվան» հիւրանոցը եւ «Կեզի» այգին: