Յոյն Կաթողիկէ Եպիսկոպոսներու Ժողովը Պահանջեց Քաղաքական Նեցուկ Կանգնիլ Լիբանանեան Բանակին
«Անհրաժեշտ է քաղաքական նեցուկ կանգնիլ լիբանանեան բանակին, որպէսզի իր դերը կատարէ:
Իսկ Սահմանադրական խորհուրդը զուտ գիտական ոճով պիտի վարուի խորհրդարանի պաշտօնավարութեան
երկարաձգման հարցին հետ, յայտարարեց յոյն կաթողիկէ եպիսկոպոսներու ժողովը երէկ` ցաւ յայտնելով,
որ պատկան կողմերը չկրցան ընտրական օրէնքի մը յանգիլ: Ժողովականները լիբանանեան կողմերէն
պահանջեցին խուսափիլ Սուրիոյ մէջ պատերազմին միջամուխ ըլլալէ, որպէսզի անոր հետեւանքները
չերկարին մինչեւ Լիբանան: Անոնք նաեւ պետութենէն պահանջեցին հոգ տանիլ երկրի ապրուստի
պայմաններուն, որոնք հետզհետէ կը ծանրանան քաղաքացիներուն ուսերուն»: