Францішак: пазбавіцца ідалаў і ісці шляхам любові да адзінага Бога
Кожны з нас мае маленькіх
ці вялікіх схаваных ідалаў, але шлях да Бога праходзіць выключна праз любоў да Яго,
звярнуў увагу папа Францішак падчас ранішняй Эўхарыстыі ў Доме св. Марты 6 чэрвеня.
Ён адзначыў, што часта вернікі вызнаюць веру ў Адзінага Бога, але жывуць “маючы ў
сваім распараджэнні іншых бажкоў”. “Існуе ідалапаклонства, якое прыйшло да нас праз
дух гэтага свету”, - сказаў Пантыфік і нагадаў, што сам Езус маліўся да Айца, каб
захаваў нас ад гэтага духа. Паводле Папы, трэба адшукаць у сабе гэтых ідалаў і знішчаць
іх, таму што адзіным шляхам, каб ісці за Панам, з’яўляецца любоў, заснаваная на вернасці.
“Вернасць патрабуе, каб мы выгналі прэч ідалаў, выкрылі іх: яны схаваныя ў
нашай асабовасці, у нашым спосабе жыцця. Гэтыя схаваныя ідалы робяць так, што мы не
можам заставацца вернымі любові. (...) Шлях, які не аддаляе, а набліжае, дазваляе
ісці наперад у накірунку Божага Валадарства, гэта шлях вернасці, падобны на шлях сужонскай
любові”, - сказаў Святы Айцец.
Пантыфік заклікаў вернікаў прасіць Бога, каб
навучыў шляху вернасці і дапамог пазбавіцца ідалаў гэтага свету, якія вядуць да варожасці
ў адносінах да Бога. “Гэта складана, але трэба распапачаць”, - сказаў Папа.