Երուսաղէմի Հայոց Ընտրեալ Պատրիարքի Գահակալութեան Արարողութիւն
Երեքշաբթի, 4 յունիսին տեղի ունեցաւ Երուսաղէմի հայոց ընտրեալ պատրիարք Նուրհան արք.
Մանուկեանին գահակալութիւնը, Սրբոց Յակոբեանց մայրավանքին մէջ, Երուսաղէմ: Ներկայ
գտնուեցան կղերական ներկայացուցիչներ Էջմիածնի Ամենայն հայոց կաթողիկոսութեան, Մեծի Տանն
Կիլիկիոյ կաթողիկոսութեան եւ Պոլսոյ հայոց պատրիարքութեան կողմէ մինչ Տանն Կիլիկիոյ Կաթողիկէ
Հայոց Պատրիարքութիւնը ներկայացուցին Արհ. Ռաֆայել Արք. Մինասեան` Հայաստանի, Վրաստանի
եւ Արեւելեան Եւորոպայի առաջնորդ ու Գերապ. Յովսէփ Քելեքեան Երուսաղէմի եւ Յորդանանի
Հայ Կաթողիկէ Եկեղեցւոյ Էկզարկ : Այս առիթով մատուցուած գահակալութեան արարողութեան
ընթացքին յանուն Երուսաղէմի միաբանութեան ուղերձ կարդաց լուսարարապետ Սեւան արք. Ղարիպեան,
որ այնուհետեւ պատրիարքական ասան յանձնեց նորընտիր պատրիարքին, որ ծնրադիր կատարեց իր
ուխտը: Ողջոյնի եւ օրհնութեան յատուկ գիրերերու` ընթերցումներէն ետք Նուրհան արք.
Մանուկեան պատրիարքը բարձրացաւ Ս. Յակոբ առաքեալին աթոռը, իսկ ներկայ բոլոր հոգեւորականները
համբուրեցին Սուրբ Յակոբայ աթոռոյ 97-րդ գահակալ Նուրհան պատրիարքին աջը: