Папа спачувае ў сувязі са смерцю польскага кардынала

5 чэрвеня ў Польшчы ва ўзросце 92 гадоў памёр кардынал Станіслаў Нагі. Папа Францішак скіраваў спачувальную тэлеграму ў сувязі з яго смерцю. Святы Айцец нагадаў, што памерлы з вялікай адданасцю служыў Касцёлу і горача абвяшчаў Евангелле, асабліва ў навуковым свеце, як дасведчаны выкладчык і эксперт ў тэалагічных дысцыплінах. Францішак звярнуў увагу на плённае супрацоўніцтва і сардэчнае сяброўства пурпурата з бл. Янам Паўлам ІІ і падкрэсліў яго вялікія заслугі для экуменічнага руху.

Кардынал Нагі належаў да Кангрэгацыі ксяндзоў Насвяцейшага Сэрцы Езуса, больш вядомых як сэрцане. Ён неаднойчы наведваў Беларусь.