''Կեղծաւորութիւնը Կաշառատուի Լեզուն է, Քրիստոնեան Կը Խօսի Սիրոյ եւ Ճշմարտութեան Լեզուով''
Կ՛ըսէ ֆրանչիսկոս Սրբազան Քահանայապետը։
Քրիստոնեայ մը կեղծաւորութեան հակող ''ընկերային քաղաքավար լեզու չի գործածեր'' այլ մանուկներու
նոյն թափանցկութեամբ կը դառնայ Աւետարանի Ճշմարտութեան բանբերը։ Այս եղաւ Սրբազան Քահանայապետի
ուսուցումը երեքշաբթի 4 յունիսի առաւօտեան ''Տոմուս Սանդա Մարդայի'' Մատրան մէջ մատուցած
սուրբ պատարագի ընթացքին որուն իր մասնակցութիւնը բերաւ նաեւ Տանն Կիլիկիոյ Կաթողիկէ
Հայոց Ներսէս Պետրոս ԺԹ Կաթողիկոս Պատրիարքը։''Կաշառատուին նախընտրած լեզուն կեղծաւորութիւնն է։ Յիսուս այս դիտմամբ կ՛ըսէ ձեր ''Այո-ն այո թող ըլլայ, ու ձեր Ոչ-ը ոչ։'' Կեղծաւորութիւնը - ըսաւ Սրբազան Հայրը - ճշմարտութեան լեզու չէ։ Առանց սիրոյ ճշմարտութիւն չկայ եւ սէրը առաջին ճշմարտութիւնն է - հաստատեց Ան։ Եթէ սէր չկայ, չկայ նաեւ ճշմարտութիւն։
Հարց տանք - ըսաւ հուսկ ֆրանչիսկոս Պապը - ''ո՞րն է մեր լեզուն։ Կը խօսի՞նք ճշմարտութեամբ, սիրով, կամ ''ընկերային քաղաքավար լեզու'' մը կր գործածենք, գեղեցիկ իրողութիւններ արտայայտելով առանց սակայն զանոնք ապրելու։
Եղբայրներ` մեր լեզուն ըլլայ Աւետարանի լեզու - հրաւէր ուղղեց Քահանայապետը ու եզրափակեց - Հայցենք Տիրոջմէ որ մեր լեզուն ըլլայ խոնարհներու լեզու, մանուկներու լեզու, խօսինք Աստուծոյ որդիներու նման ճշմարտութեամբ ու սիրով։
| All the contents on this site are copyrighted ©. |