У Ватыкане абмяркоўваюць сітуацыю вакол Сірыі

4 чэрвеня ў Ватыкане пачалася сустрэча на тэму ваеннага канфлікту ў Сірыі. У ёй прымаюць удзел блізкаўсходнія дыпламаты, прадстаўнікі хрысціянскіх канфесій і каталіцкіх дабрачынных арганізацый. Працамі, паводле італьянскага штотыднёвіка “Famiglia Cristiana”, кіруе старшыня Папскай рады “Cor Unum”, кардынал Роберт Сара. Сама сустрэча праходзіць за зачыненымі дзьвярыма, яе мэта знайсці шляхі спынення канлікту і дапамогі бежанцам. Італьянскае выданне паведамляе, што неўзабаве мексіканскі біскуп Хасэ Раўль Вера Лопэс, разам з 12 міжнароднымі назіральнікамі, прыбудзе ў Сірыю, каб на месцы ацаніць сітуацыю.