Shtegtim historik i shqiptarëve në Gjenacan e Romë. Flet Imzot Lucian Avgustini e
besimtarë t tjerë
Të mërkurën e kaluar, Ati i Shenjtë Françesku mbajti audiencën e përgjithshme në Sheshin
e Shën Pjetrit, të cilën ia kushtoi “misterit të Kishës”. Përshëndeti në mënyrë të
veçantë një gurp të madh shqiptarësh nga Shqipëria, Kosova, Mali i Zi, Maqedonia e
diaspora zvicerane e italiane, që kishin ardhur për shtegtim në Gjenancan e në Romë,
në kuadrin e Vitit të Fesë. T’i dëgjojmë edhe një herë fjalët e Atit të Shenjtë: “Dëshiroj
t’i përshëndes përzemërsisht shtegtarët e ardhur nga Shqipëria, me Ipeshkvijtë e tyre;
të ardhurit nga Kosova, me Bariun e tyre; e shtegtarët e tjerë. Të dashur vëllezër
e motra, ju falënderoj për praninë tuaj në këtë takim e uroj që vizita juaj pranë
varreve të apostujve t’ju përforcojë në fe, t’ua konsolidojë shpresën e t’ua shtojë
dashurinë e gatishmërinë për t’i shërbyer njeriut. Nga zemra ju bekoj juve, familjet
tuaja e bashkëkombasit tuaj”. Të dielën, më 26 maj, shtegtarët morën pjesë
në meshë në Gjenacan e u takuan me Pajtoren e tyre, Zojën e Këshillit të Mirë, Zojën
e Shkodrës. Të nesërmen, shtegtimi tek Varri i Shën Pjetrit e të martën, tek Varri
i Shën Palit, dy apostujt-shtylla të Kishës Katolike. Gjithçka u kurorëzua me audiencën
emocionuese me Papën Françesku, në sheshin e Shën Pjetrit, për të cilën iu kemi njoftuar
gjerësisht. Sot, disa zëra të të tjerë shqiptarësh nga sheshi…
Ftuam në
mikrofonin tonë, zv.kryetarin e Konferencës Ipeshkvnore të Shqipërisë, imzot Lucian
Avgustinin, ipeshkëv i dioqezës së Sapës, për të na folur pikërisht mbi domethënien
shpirtërore të këtij shtegtimi si për besimtarët, që erdhën në Gjenancan e në Romë,
ashtu edhe për krejt Kishën Katolike ndër trevat shqiptare. Ta dëgjojmë….
Disa nga
shtegtarët shqiptarë erdhën për të na takuar në selinë e Radio Vatikanit. Ja përshtypjet
dhe emocionet e tyre në studio, me don David Gjugjën. Së pari, Festor Volaj, shtegtar
nga Shkodra…