ֆրանչիսկոս Քահանայապետի Գործունէութիւնը: Հանդիպում Քաղցկեղի Մանուկ Հիւնադներուն Հետ։

Շաբաթ յունիս 1-ի առաւօտեան ժամը 7-ին Սրբազան Քահանայապեը ինչպէս ամէն առաւօտ Տոմուս Սանդա Մարդայի մատրան մէջ մատոյց սուրբ պատարագ որուն ընթացքին արտասանած քարոզին մէջ հաստատեց թէ ''Եկեղեցին մշակութային կազմակերպութիւն մը չէ այլ ''Յիսուսի Ընտաինքը'' ու ապա ընգծեց թէ քրիստոնեաները պէտք չեն խպնիլ Խաչի գայթակղութենէն հուսկ յորդորեց ''աշխարհիկ ոգիով չհրապուրուիլ''։

Նորին Սրբութիւնը ապա ժամը 11-ին ընդունեց Ուրուկայի Հանրապետութեան Նախագահ` Տիար Խօսէ Մութիքա Գորտանօ ու անոր ընկերացող պատուիրակութիւնը, հուսկ 11,30 ընդունեց Եպիսկոպոսներու Ժողովի կառավարիչը` Կարտինալ Մարք Ուելլէ։

Իսկ երէկ Ուրբաթ` մայիս 31-ի երեկոյեան ժամը 6-ին ֆրանչիսկոս Պապը իր նստավայրին մէջ ընդունեց Հռոմի Ճեմելլի բազմաբուժարանի քաղցկեղի մանկաբաժնի 22 մանուկ հիւանդներ։ Հանդիպումը տեղի ունեցաւ աղօթքի եւ յուզումի մթնոլորտին մէջ։ Սրբազան Հայրը հիւանդ երեխաներէն խնդրեց աղօթել աշխարհի հիւանդ մանուկներուն համար։ Նախապէս Նորին Սրբութիւնը մանուկներու հետ երկխօսութիւն հաստատեց անսալով ու պատասխանելով անոնց հարցումներուն։ ֆրանչսիկոս Պապը հրաւիրեց զանոնք զգալու Յիսուսի ներկայութիւնը որովհետեւ - ըսաւ Ան - ''Յիսուս միշտ ձեր բարիքը կ'ուզէ''։ ''Ողջոյն քեզ Մարիամ'' աղօթքը միասնաբար արտասանելէ ետք ֆրանչիսկոս Քահանայապետը իր առաքելական օրհնութիւնը տուաւ ըսելով ''այս օրհնութիւնը ընդունեցաք որպէս Աստուծոյ մէկ ողջագուրում''։ Հուսկ Սրբազան Հայրը, մեծ գորովով մի առ մի ողջունեց մանուկները։