Ֆրանչիսկոս Սրբազան Քահանայապետի Այսօրուայ Թուիթը։
Երեքշաբթի 28 մայիսին Սրբազան Քահանայապետի թուիթթերեան կայքի վրայ հրատարակուեցաւ հետեւեալ
թուիթը. Սիրելի երիտասարդներ, Եկեղեցին ձեզմէ ու ձեր առատձեռնութենէն շատ ակնկալութիւններ ունի։ Քաջութիւնը մի կորսնցնէք եւ միշտ ձգտեցէք բարձունքին։
Իսկ առաւօտեան ''Տոմուս Սանդա Մարդայի'' մատրան մէջ մատուցած սուրբ պատարագի ընթացքին արտասանած իր քարոցին մէջ` Սրբազան Քահանայապետը հաստատեց թէ Յիսուսի հետեւելը մակերեսային բան չէ, ներկ մը չէ այլ մեր սրրերուն խորը կը թափանցէ ու մեզ կը բարեփոխէ։ Յիսուսի հետեւիլ չի նշանակեր աւելի իշխանութիւն ունենալ որովհետեւ Անոր ճանապարհը խաչի ճանապարհն է։
Յիսուսի նմանութիւնը այս է - ըսաւ Նորին Սրբութիւնը եզրափակելով քարոզը - Սիրով հետեւիլ Անոր, քալել Անոր ետեւէն, նոյն ճանապարհով։ Հայցենք Յիսուսէն շնորհքը` Իրեն հետեւելու - Ան երբեք մեզ մինակ չի թողուր։ Երբե՛ք։ Ան մեր հետն է միշտ։ Ամէն։
| All the contents on this site are copyrighted ©. |