Rreth 50 rrëfyestore, në mjediset e takimit në Rio; vetë Papa do të dëgjojë të paktën
tre të rinj.
Me rastin e Ditës Botërore të Rinisë (DBR), që do të kremtohet në Rio-de-Zhanéjro
(më 23-28 korrikun e ardhshëm), 50 rrëfyestore do të vendosen jashtë mjediseve kishtare,
për t’iu përgjigjur kërkesave të besimtarëve, që dëshirojnë të pajtohen me Zotin,
në një atmoferë kaq festive. Vendi i zgjedhur për vendosjen e rrëfyestoreve, është
Quinta da Boa Vista, një nga etapat e takimit të Papës Françesku, i cili do të ndalohet
këtu për të dëgjuar rrëfimin e disa të rinjve në gjuhën portugeze, italiane e spanjolle.Rrëfyestoret,
realizuar me dru të bardhë, kanë formën e Korkovados, malit karioka, mbi të cilin
lartohet shtatorja vigane e Jezu Krishtit Shëlbues. Organizatorët parashikojnë rreth
10 deri në 15 mijë rrëfime në ditë.