Մոսկուայ Պատրիարքը Լաւատես Է Չինաստանի Օրթոտոքս Եկեղեցւոյ Ապագային Նկատմամբ։
Չինացի Օրթոտոքս Եկեղեցւոյ Վերածնունդը։
Մոսկուայի ու համայն
Ռուսիոյ Կիւրեղ Պատրիարքը անցեալ 11-15 մայիսին պաշտօնական այցելութիւն կատարած է Բեքին,
Շանկհայի եւ Հարպին քաղաքներուն, ուր երեք դար առաջ օրթոտոքս եկեղեցին մուտք գործած էր։ Նախքան
Չինաստանէն հեռանալը պատրիարքը մամուլին առջեւ հաստատած է որ ծրագիր մը մշակած է բարւոքելու
Չինաստանի օրթոտոքս եկեղեցւոյ իրավիճակը։ Ան լուսաւոր ապագայ կը խոստանայ տեղական օրթոտոքս
եկեղեցւոյ։ Պատրիարքը յայտնած է որ ներկայիս երկու չինացի աշակերտներ Ռուսիոյ աստուածաբանական
համալսարանը կը յաճախեն։ Պատրիարքը նաեւ յայտնած է որ իր հովուական ճամբորդութիւնը կարելի
դարձաւ շնորհիւ երկու երկիրներու միջեւ տիրող բարի յարաբերութիւններուն, ''յույսով եմ
- ըսաւ գերեջանիկ Կիւրեղ պատրիարքը - որ իմ այս ճամբորդութիւնը եւս սատարէ երկու պետութիւններու
կապերու ամրացումին ու զարգացումին։''