Папа Францішак 4 кастрычніка
2013 г. наведае Асізі. Аб гэтым 23 мая паведаміла мясцовая дыяцэзія на сваёй інтэрнэт-старонцы.
Інфармацыю пацвердзіў таксама кс. Фэдэрыка Ламбардзі, кіраўнік Залы Друку Апостальскай
Сталіцы. Ліст з паведамленнем аб візіце на імя Біскупа Асізі скіраваў субстытут Апостальскай
Сталіцы, арцыбіскуп Анджэла Бэчу. Навіна была з энтузіязмам і падзякай прынята таксама
братамі-францішканамі, якія апякуюцца мясцовымі санктуарыямі, і рэгіянальнымі ўладамі,
гаворыцца ў афіцыйным паведамленні Асізскай дыяцэзіі.