Իրանի պահապաներու խորհուրդը հրապարակած է նախագահական ընտրութիւններրուն մասնակցելու
թոյլտւութիւն ստացած թեկնածուներուն անունները. – Սայիտ Ճալիլի (Իրանի միջուկային
ծրագրի հարցով գլխաւոր բանագնաց) – Ղուլամալի Հատատ Ատել ( Իսլամական Հանրապետութեան
Մէճլիսի (խորհրդարանի) նախկին նախագահ ) – Մոհսեն Ռեզայի – Հասան Ռոհանի – մուհամեդ
Ռեզայ Առեֆ – Մուհամեդ Ղառազի – Մուհամեդ Բաղել Ղալիբաֆ – Ալի Աքբար Վելայաթի Թեկնածուներու
պաշտօնական գրանցումը սկսած էր Մայիս 7-ին եւ աւարտած Մայիս 11-ին: Այս մասին կը յայտնէ
iranahayer կայքը։ Ընդհանուր առմամբ, աւելի քան 680 մարդ առաջադրած էր իր թեկնածութիւնը:
Անոնցմէ միայն 36-ն էին քաղաքական գործիչներ կամ հասարակութեան յայտնի մարդիկ: Մայիս
12-էն Իրանի պահապաններու խորհուրդը քննարկած է իւրաքանչիւր թեկնածուի` ընտրութիւններուն
մասնակցելու իրաւունքը եւ անոնցմէ ընտրուած է 8 թեկնածու: Նախընտրական արշաւը կ’աւարտի
Յունիս 12-ին: Ընտրութիւնները կ’իրականացուին Յունիս 14-ին: