Папа заклікаў малітоўна далучыцца да кітайскіх вернікаў

На заканчэнне агульнай аўдыенцыі 22 мая папа Францішак нагадаў, што 24 мая будзе адзначацца ўспамін Панны Марыі Успамогі Хрысціянаў, якая асаблівым чынам шануецца ў шанхайскім санктуарыі Шэшан. У сувязі з гэтым Пантыфік заклікаў католікаў ва ўсім свеце малітоўна далучыцца да кітайскіх вернікаў, “каб выпрасіць для іх ласку ў Бога з пакорай і радасцю абвяшчаць Хрыста памерлага і ўваскрослага, быць вернымі Касцёлу і Наступніку св. Пятра і штодзённа жыць, служачы сваёй краіне і суграмадзянам, згодна з верай, якую вызнаюць”.