Праваслаўны Патрыярх заклікаў да павагі рэлігійнай свабоды

Заклік да вызвалення сірыйскіх мітрапалітаў змяшчаецца ў спецыяльным пасланні праваслаўнага Патрыярха Канстантынопаля Барталамея І, якое было апублікавана 21 мая, з нагоды 1700-годдзя Міланскага эдыкта. Гаворачы пра важнасць павагі да рэлігійнай свабоды іерарх выразіў рашучы пратэст супраць “забойстваў, выкраданняў пагрозаў і незаконных дзеянняў” супраць хрысціян, якія асабліва часта адбываюцца на Блізкім Усходзе. Гаворачы пра сітуацыю ў Сірыі Патрыярх падкрэсліў, што не прымае пазіцыю ні аднаго з ваюючых бакоў і заклікае спыніць усе формы насілля ў адносінах да хрысціян. Таксама Барталамей І звярнуўся да “магутных гэтай зямлі”, каб спрыялі павазе да асноўных правоў чалавека: на жыццё, годнасць і спакойную будучыню. Іерарх запэўніў, што будзе падтрымліваць міжрэлігійны дыялог на карысць мірнага вырашэння канфліктаў у свеце і стварэння атмасферы талерантнасці, прымірэння і супрацоўніцтва паміж людзьмі розных рэлігій і народаў.