Кс. Фэдэрыка Ламбардзі
абверг інфармацыю некаторых СМІ адносна таго, што пасля нядзельнай св. Імшы ва ўрачыстасць
Спаслання Святога Духа 19 мая папа Францішак здзейсніў малітву экзарцызма над адным
з яе ўдзельнікаў. Некаторыя выданні распаўсюдзілі відэазапіс, на якім бачна, як Святы
Айцец усклаў рукі на галаву хлопца і засяроджана памаліўся. У каментары да відэа,
адзначалася, што Папа здзейсняе абрад экзарцызма. Кіраўнік Залы Друку Апостальскай
Сталіцы адзначыў, што гэта інфармацыя не адпавядае рэчаіснасці. “Папа, як звычайна
гэта робіць, падыйшоў да хворых людзей і проста пачаў інтэнсіўна маліцца над маладым
чалавекам, які яму быў прадстаўлены”, - сказаў журналістам кс. Ламбардзі.