Botohet kalendari i kremtimeve kryesuar nga Papa deri në korrik
U botua kalendari i kremtimeve, që do të kryesohen nga Papa pas Rrëshajëve, deri në
korrik. Të enjten, më 23 maj, në orën 18.00, në Bazilikën e Vatikanit do
të kremtohet Dëshmimi i Fesë me ipeshkvijtë e Konferencës ipeshkvnore italiane. Të
diel, 26 maj, Solemniteti i së Shenjtnueshmes Trini, Papa do të shkojë për vizitë
baritore në famullinë romake të Shenjtorëve Elizabeta e Zakaria. Mesha do të nisë
në orën 9.30. Të enjten, 30 maj, në Solemnitetin e Korpit e Gjakut të Krishtit,
Papa Françesku do të kryesojë, në orën 19.00, Meshën në Sheshin e Shën Gjonit në Lateran,
me procesionin në Bazilikën e Shën Marisë së Madhe dhe Bekimin Eukaristik. Të
diel, më 2 qershor, në orën 18.00 në Bazilikën e Vatikanit, Papa do të kryesojë
Adhurimin Eukaristik, njëkohësisht me gjithë botën. Të diel, më 16 qershor,
do të kremtojë, në Sheshin e Shën Pjetrit, në orën 10.00, Meshën Shenjte për ditën
“Evangelium Vitae”. Të shtunën, 29 qershor, Solemniteti i Shën Pjetrit e
i Shën Palit, Papa do të kryesojë, në orën 9.30, në Bazilikën e Vatikanit, Meshën
Shenjte me vënien e Palios mbi supe të ipeshkvijve metropolitë. Të diel, 7 korrik,
do të kremtojë, në Bazilikën e Vatikanit, në orën 9.30, Meshën Shenjte me seminaristët,
novicët e novicet.Të hënën, 22 korrik, Papa Françesku do të nisë shtegtimin
e tij të parë apostolik në Brazil, me rastin e Ditës XXVIII Botërore të Rinisë. Më
29, rikthimi në Vatikan.