மியான்மாரில் இருபதுக்கும் மேற்பட்ட அரசியல் கைதிகள் விடுதலை

மே,18,2013. மியான்மார் அரசுத்தலைவர் தெய்ன் செயின் அமெரிக்க ஐக்கிய நாட்டுக்குச் சுற்றுப்பயணத்தைத் தொடங்குவதற்குச் சிலமணி நேரங்களுக்கு முன்னர் மியான்மாரில் இருபதுக்கும் மேற்பட்ட அரசியல் கைதிகள் விடுதலை செய்யப்பட்டுள்ளனர் என்று கூறப்பட்டுள்ளது.
மியான்மார் அரசின் இந்நடவடிக்கையை வரவேற்றுப் பேசியுள்ள முன்னாள் அரசியல் கைதியான Ye Aung, அந்நாட்டிலுள்ள அனைத்து மனச்சான்றின் கைதிகளும் விடுதலை செய்யப்படுமாறு வலியுறுத்தினார்.
மியான்மாரில் இன்னும் 200க்கும் மேற்பட்ட அரசியல் கைதிகள் உள்ளனர் என்று Ye Aung கூறினார்.

ஆதாரம் : UCAN