Журналіст: Ангела Меркель і Францішак маюць супольныя погляды
“Ангела Меркель мае
сапраўдную цікавасць да папы Францішка. Яна чытала яго кнігі выдадзеныя на нямецкай
мове і нават цытавала іх”, - адзначыў біёграф канцлера Германіі Волькер Рэзінг. 17
мая, у інтэрв’ю кёльнскай каталіцкай радыёстанцыі “Domradio”, журналіст падкрэсліў,
што Ангела Мэркель падзяляе погляды Францішка на сітуацыю ў Еўропе. Пра гэта, яна
сама казала падчас з’езда кіраўніцтва Хрысціянскага-дэмакратычнага саюза Германіі,
які ўзначальвае. Волькер Рэзінг адзначыў, што Святы Айцец і нямецкі канцлер маюць
падобныя погляды на многія праблемы, сярод якіх выклікі звязаныя з секулярызацыяй
у Еўропе. Ён нагадаў словы Францішка аб памяньшэнні колькасці вернікаў на Старым кантыненце
і тых, хто называе сябе хрысціянамі. “Абарона нашых каштоўнасцяў у глабалізаваным
свеце: я думаю, што менавіта на гэта яны маюць супольны позірк”, - сказаў журналіст.
Ён нагадаў што, Меркель уздымала пытанне: чаму ў Еўропе распаўсюджваецца гэтага кшталту
летаргія? “Яна часта паўтарае да прадстаўнікоў Цэркваў: не апускайце рукі перад абліччам
секулярызацыі, паспрыяйце абнаўленню, бо палітыка не ўстане гэтага зрабіць”, - сказаў
Рэзінг.