Праблема не ў тым,
што мы грэшнікі, яна палягае на нашым нежаданні змяніцца пад уздзеяннем любові, атрыманай
падчас сустрэчы з Хрыстом, лічыць папа Францішак. У цэнтры яго сённяшняй гаміліі на
ранішняй св. Імшы быў дыялог паміж Езусам і Пятром, калі Збаўца тройчы запытаўся пра
любоў вучня да яго, пасля здрады апошняга. Праблема не ў тым, што мы грэшнікі, адзначыў
Святы Айцец, праблема ў нашым нераскаянні, у тым, што мы саромеемся таго, што мы зрабілі.
Пётр
змяніўся дзякуючы шматлікім сустрэчам з Езусам, і мы знаходзімся на той жа дарозе,
сказаў Пантыфік. Ён заклікаў не баяцца шукаць Хрыста і сустрэч з Ім, ствараць магчымасці
для такіх сустрэч. “Езус заўсёды шукае нас, Ён заўсёды побач з намі. Але шмат разоў
мы глядзім у іншы бок, таму што ў нас няма жадання гаварыць з Панам або сустракаць
Яго”, - звярнуў увагу Францішак. “Сустрэць Пана, але што больш важна, даць Яму магчымасць
сустрэць нас – гэта сапраўдная ласка”, - заключыў Пантыфік.