Папа: Міланскі эдыкт паспрыяў нараджэнню еўрапейскай цывілізацыі
Папа Францішак прывітаў
Патрыярха Канстантынопальскага Барталамея І, які прыбыў у Мілан з нагоды святкавання
1700-годдзя Міланскага эдыкта – дакументу імператара Канстантына, які “абвясціў свабоду
веравызнання для хрысціян, адкрыў дарогу Евангеллю і рашуча паспрыяў нараджэнню еўрапейскай
цывілізацыі”. У спецыяльнай тэлеграме, скіраванай 15 мая за подпісам кардынала Дзяржсакратара
Тарчызіо Бэртонэ, Пантыфік выказаў пажаданне, каб “сёння, як і ў тыя часы, сумеснае
сведчанне хрысціян Усходу і Захаду, падтрыманае духам Уваскрослага Хрыста, паспрыяла
распаўсюджванню паслання збаўлення ў Еўропе і ўсім свеце”. Святы Айцец пажадаў, каб
дзякуючы “дальнабачнасці грамадзянскіх уладаў, паўсюдна паважалася права на публічнае
сведчанне ўласнай веры, і, каб без прадузятасці быў прызнаны ўклад, які хрысціянства
працягвае ўносіць у культуру і грамадства нашага часу”.