மனித வியாபாரத்தைத் தடைசெய்வதற்கு உலகளாவிய முயற்சிகளுக்கு ஐ.நா.வலியுறுத்தல்
மே,14,2013. உலகில் கட்டாயவேலை, வீடுகளில் கொத்தடிமை, பாலியல் அடிமை, சிறார் படைவீரர்
போன்றவைகளில் ஏறக்குறைய 24 இலட்சம் பேர் உட்படுத்தப்பட்டுள்ளவேளை, மனித வியாபாரத்தைத்
தடைசெய்யும் அனைத்துலக ஒப்பந்தங்கள் செயல்படுத்தப்படுமாறு 193 உறுப்பு நாடுகளை வலியுறுத்தியுள்ளது
ஐக்கிய நாடுகள் நிறுவனம். இம்மனித வியாபாரம் ஆண்டுக்கு 3,200 கோடி டாலர் வருமானத்தைப்
பெற்றுத் தருகின்றது என்றுரைத்த ஐ.நா.பொது அவைத் தலைவர் Vuk Jeremic, இவ்வியாபாரத்தால்
பாதிக்கப்பட்டுள்ளவர்கள் தங்கள் வாழ்வை மீண்டும் அமைப்பதற்கு உதவிகள் வழங்கப்பட்டுவரும்வேளை,
இவ்வியாபாரத்தைத் தடைசெய்வதற்கு தீவிர முயற்சிகள் எடுக்கப்படுமாறு கேட்டுக்கொண்டார். மனித
வியாபாரத்தைத் தடைசெய்வது குறித்த இரண்டுநாள் உயர்மட்டக் கூட்டத்தில் பேசிய ஐ.நா.பொதுச்செயலர்
பான் கி மூன், நீதியை எட்டுவதற்கு, சட்டத்தில் உறுதியான அடித்தளம் தேவை என்றும் தெரிவித்தார்.