Рэліквіярый з целам св. айца Піо будзе выстаўлены для пастаяннага ўшанавання
Рэліквіярый з целам
св. айца Піо будзе выстаўлены ў Сан-Джаванні-Ратонда на пастаяннай аснове для ўшанавання
вернікамі. З 1 чэрвеня 2013 г. каля рэліквій святога стыгматыка можна будзе маліцца
ў новай базыліцы, куды яны былі перанесены яшчэ ў красавіку 2010 г. Урачыстае набажэнства
з нагоды выстаўлення рэліквій узначаліць кардынал Анджэла Амата, прэфект Кангрэгацыі
па справах Кананізацыі. Трэба адзначыць, што да гэтага часу толькі аднойчы, з 24 красавіка
2008 г. па 24 верасня 2009, рэліківіярый з целам св. айца Піо выстаўляўся для публічнага
ўшанавання.
Айцец Піо нарадзіўся 25 мая 1887 г. у Петральчыне. У 16-гадовым
узросце ўступіў у закон капуцынаў і праз сем гадоў прыняў святарскае пасвячэнне. Будучы
28-гадовым святаром, айцец Піо атрымаў дар стыгматаў. Ён прысвяціў сябе паглыбленаму
духоўнаму жыццю і служэнню ў канфесіянале. Быў кананізаваны 16 чэрвеня 2002 г. Янам
Паўлам ІІ.
Рэліквіі св. Піо з Петральчыны будуць выстаўлены ў ніжнім храме
базылікі ў Сан-Джаванні-Ратонда пад шкляным саркафагам.