Ватыканскі іерарх: унесці місійны дух у традыцыйнае душпастырства
Новы дырэктар Папскіх
місійных ініцыятыў лічыць, што перад асацыяцыяй стаіць цяжкая, але займальная задача,
трымаць вочы і сэрца адкрытымі на велізарныя гарызонты Місіі да народаў (Missio ad
Gentes). Зараз у Рыме праходзіць генеральная асамблея арганізацыі. Арцыбіскуп Пратас
Ругамбва, для ягога сход стаў першым на гэтай пасадзе, падкрэсліў, што “місійная анімацыя”
з’яўляецца душой любой формы супрацоўніцтва; яна патрэбна перш за ўсё Касцёлам са
старажытнай традыяй. Адна з самых галоўных задач Папскіх місійных ініцыятыў, унесці
місійны дух у якасці ключавога элемента ў традыцыйнае душпастырства.
Паводле
арцыбіскупа, падставай існавання папскай асацыяцыі з’яўляецца “раўнівае абераганне
сваёй спецыфікі”: анімацыі, навучання, супрацоўніцтва з мясцовымі Касцёламі ў Місіі
да народаў. На думку ватыканскага іерарха, унікальнасць Папскіх ініцыятыў не ў тым,
што яны збіраюць сродкі для краін, якія развіваюцца, бо гэтым займаюцца і іншыя дабрачынныя
арганізацыі, але ў прапагандаванні ўніверсальнасці евангелізацыі.