Paqja e lufta kundër pabarazive, në qendër të takimit të Papës me presidentin kolumbian
Papa Françesku priti sot paradite në Vatikan, presidentin e Republikës së Kolumbisë,
Juan Manuel Santos Calderòn. Gjatë takimit të përzemërt, u fol për aktualitetin e
figurës së murgeshës Laura Montoja Upegui, shenjtja e parë kolumbiane, që u lartua
dje në nderimet e elterit. Në notën e Sallës së Shtypit të Selisë së Shenjtë, ajo
quhet “interpretuese e frytshme e rrënjëve të krishtera të vendit”. Më pas, Ati
i Shenjtë dhe presidenti kolumbian biseduan për kontributin e Kishës në promovimin
e kulturës së bashkëveprimit, sidomos përmes veprave e institucioneve në shërbim të
përparimit njerëzor e shpirtëror të vendit. Theks i veçantë, mbi nevojtarët e rininë.
U fol për sfidat, që duhet të përballojë Kolumbia, sidomos në sektorin e pabarazive
shoqërore. U diskutua për procesin e paqes dhe për viktimat e konfliktit kolumbian,
me urimin që të vazhdohen bisedimet, duke kërkuar sinqerisht të mirën e përbashkët
e pajtimin. Së fundi, u nënvizua impenjimi i Kishës në favor të jetës e familjes.