Пантыфік: крэатыўная любоў – адказ на эканамічны крызіс
Адкрыць дзверы супольнасцяў,
каб сталі месцамі сустрэчы і любові, для тых, хто шукае братэрскай любові, заклікаў
папа Францішак у пасланні да ўдзельнікаў Нацыянальнай сустрэчы “Дыяканія 2013”, якая
праходзіць у французскім Лурдзе 9-11 мая. Форум адбываецца пад дэвізам “Будзем служыць
братэрству. Жыць Касцёлам для бедных”. У ім прымаюць удзел прадстаўнікі каля ста каталіцкіх
дабрачынных арганізацый, аб’яднанняў і ініцыятыў, якія дзейнічаюць пад кіраўніцтвам
Рады па салідарнасці Канферэнцыі Біскупаў Францыі. У прывітанні, падпісаным кардыналам
Дзяржсакратаром Тарчызіо Бэртонэ, адзначаецца, што адказам на эканамічны крызіс, які
асаблівым чынам закрануў самыя ўражлівыя і неабароненыя групы насельніцтва, павінна
стаць “крэатыўная любоў”, якое кіруе вера, далёкая ад індывідуалістычных ідэалогій,
што пастаянна паглыбляюць беднасць.
З іншага боку падкрэсліваецца, што каталіцкая
ідэнтычнасць ніколі не была перашкодай для супрацоўніцтва з іншымі і служэння “на
граніцах нашага свету”, таму што Езус хацеў, каб хрысціяне былі “святлом свету” і
“знакам дабрыні, спачування, бацькоўскай пяшчотнасці Бога для кожнага чалавека”.