Maqedonia e vëmendja e saj ndaj realitetit fetar të pranishëm në shoqërinë bashkëkohore
pluraliste. Rreth 110 mysafirë të huaj e 150 nga vendi sot dhe nesër në Shkup marrin
pjesë në Konferencën për dialog ndërfetar e ndërcivilizues. Punimet e kësaj konference
hapen pasdite nga kryeministri i Maqedonisë Nikolla Gruevski, ministrja e Kulturës
Elizabeta Kançeska-Milevska dhe drejtoresha e Komisionit për marrëdhënie me bashkësitë
fetare e grupet religjioze, Valentina Bozhinovska. Temë e konferencës është "Liria
e dinjiteti - vlerat themelore në marrëdhëniet ndërnjerëzore, ndër-religjioze dhe
ndërkulturore", me të cilën shënohen tre jubile: 1700 vjetori i Ediktit të Milanos
- fitim i lirisë për krishterimin; 70 vjetori i holokaustit të hebrenjve dhe 10 vjetori
i mbajtjes së Samitit të shefave të Shteteve nga Evropa Juglindore "Dialog mes civilizimeve"
në kuadër të UNESKO-s e Porosisë së Ohrit për paqe, me nismën e presidentit të ndjerë
Boris Trajkovski në vitin 2003. Në këtë konferencë flasin përfaqësues të vendit
e të huaj nga UNESKO, Sekretariati i përgjithshëm i NATO-s për gra, paqe e siguri
dhe nga Komiteti për religjione e arsim ndërkulturor pranë Këshillit të Evropës. Nga
feja islame morën pjesë 14 përfaqësues. Do të ketë përfaqësues nga Bashkësia islame
fetare nga Beogradi dhe imamë nga Amerika, si dhe teologë dhe profesorë të religjioneve
nga disa vende si Kosova, Turqia, Egjipti, Irani. Sipas agjencive të lajmeve, Bashkësia
Fetare Islame e Maqedonisë do ta bojkotojë konferencën pasi nuk janë plotësuar disa
kërkesa të saj. Komisioni për marrëdhënie me bashkësitë fetare dhe grupet religjioze
e kanë marrë njoftimin pardje, ndërsa përfaqësues të BIM-së një vit e gjysmë nuk marrin
pjesë në mbledhjet e trupit koordinues.