Fyle: zbatimi i marrëveshjes Kosovë-Serbi më rëndësi për të hap dyert e BE-së
Komisari për Zgjerim i Bashkimit Evropian, Stefan Fyle, deklaroi se, si për Serbinë
ashtu edhe për Kosovën, arritja e planit të zbatimit të marrëveshjes së 19 prillit
nënshkruar nga kryeministri i Kosovës e ai i Serbisë, është e një rëndësie thelbësore.
Edhe “plani i zbatimit të kësaj marrëveshje është jashtëzakonisht i rëndësishëm siç
është e rëndësishme, që Beogradi e Prishtina të fillojnë të lëvizin drejt zbatimit.
Është me rëndësi, në veçanti për Beogradin, sepse pritet nga Vendet anëtare që në
fund të qershorit të hapin negociatat për anëtarësim e për këtë plani është vendimtar”,
tha në një intervistë për REL, eurokomisari Fyle. Po nuk është vetëm Serbia
që përfiton nga zbatimi i marrëveshjes së përmendur, tha Fyle, sepse pritet të ketë
lëvizje edhe për njohjen e Kosovës nga pesë vendet e BE-së që ende nuk e kanë bërë
këtë. Sidoqoftë, Fyle pohoi se “secili hap në këtë rrugë të normalizimit
do të merret seriozisht nga këto pesë Shtete, për ta mbështetur kështu më shumë aspiratën
e Kosovës për në BE”.