Երուսաղէմի Հայ Եկեղեցին Նշած Է Սուրբ Յարութեան Տօնը
Երուսաղէմի մէջ Մայիս 5-ին Հայ եկեղեցին նշած է Սուրբ Յարութեան տօնը: Տօնին առիթով շաբաթ
օր Սուրբ Գերեզմանին վրայ տեղի ունեցած է յատուկ արարողութիւն, որուն ընթացքին յոյն պատրիարքը
եւ հայ պատրիարքին ներկայացուցիչ հոգեւորականը Գերեզմանէն դուրս բերած են Տիրոջ Յարութիւնը
խորհդանշող կրակը եւ բաշխած Սուրբ Յարութեան Տաճարին մէջ ներկայ ուխտաւորներուն: Այս
մասին կը հաղորդ «Արմէնփրես»-ը: Կիրակի առաւօտեան Սուրբ Յարութեան տաճարի Տիրոջ Գերեզմանի
վրայ զատկական Սուրբ պատարագ մատուցուած է Էջմածինէն Երուսաղէմ գտնուող Տ. Արշակ եպիսկոպոս
Խաչատրեանի կողմէ: Զատիկի տօնին առիթով կատարուած է նաեւ եկեղեցական եռադարձ թափօր
Սուրբ Գերեզմանի շուրջ: Սուրբ Յարութեան տօնին մասնակցելու համար բազմաթիւ հայ ուխտաւորներ
ժամանած են Երուսաղէմ՝ Հայաստանէն, Թուրքիայէն, ԱՄՆ-էն, Գանատայէն, Ռուսաստանէն եւ Պուլկարիայէբ`
վարդապետ եւ քահանայ հայրերու ուղեկցութեամբ: Բոլոր ուխտաւորները ընդունած է Երուսաղէմի
ընտրեալ պատրիարքը եւ իր օրհնութիւնը տուած է անոնց: