Папа павіншаў з Пасхай вернікаў, якія жывуць па юліянскім календары
Любоў да Маці Божай
– гэта адна з характарыстык народнай пабожнасці, якая павінна быць высока ацэнена
і добра скіравана, адзначыў папа Францішак перад традыцыйнай нядзельнай малітвай “Regina
coeli” на плошчы св. Пятра 5 мая. Святы Айцец звярнуўся да вернікаў на заканчэнне
Эўхарыстыі, якую цэлелебраваў у прысутнасці членаў шматлікіх каталіцкіх брацтваў,
што прыбылі ў Вечны горад на святкаванне “Дня брацтваў і народнай пабожнасці”, арганізаванага
Папскай радай па новай евангелізацыі. У сваім кароткім разважанні Пантыфік звярнуў
асаблівую ўвагу на прыклад веры Панны Марыі, павіншаваў са святам Пасхі вернікаў,
якія жывуць па юліянскім календары і нагадаў, пра тое, што 5 мая адзначаецца Дзень
абароны дзяцей ад насілля.
“У гэты момант глыбокага адзіснтва з Хрыстом, адчуваем
паміж намі таксама духоўную прысутнасць Панны Марыі, – сказаў Папа – Матчыную прысутнасць,
сямейную, асабліва для вас, якія з’яўляецеся членамі брацтваў. Любоў да Маці Можай
гэта адна з характарыстык народнай пабожнасці, якая патрабуе быць ацэненай і добра
скіраванай. Таму, запрашаю вас паразважаць над апошнім раздзелам канстытуцыі ІІ Ватыканскага
Сабора пра Касцёл “Lumen gentium”, у якім ідзе гаворка менавіта пра Марыю ў таямніцы
Хрыста і Касцёла. Там, гаворыцца, што Марыя “ішла дарогай веры” (р. 58). Дарагія браты
і сёстры, у Год веры пакідаю вам гэту ікону Марыі пілігрымкі, якая наследуе Сына Езуса
і папярэднічае ўсім нам на шляху веры.
Сёння Усходнія Цэрквы, якія жывуць паводле
юліянскага календара адзначаюць Пасху. Хачу скіраваць да гэтых братоў і сясцёр асаблівае
прывітанне, яднаючыся ўсім сэрцам з німі ў радасным абвяшчэнні: Хрыстус уваскрос!
Сабраныя на малітве вакол Марыі, папросім Бога аб дары Святога Духа, Суцяшыцеля, каб
супакоіў і суцешыў усіх хрысціян, асабліва тых, хто святкуе Пасху ў выпрабаваннях
і пакутах, і няхай вядзе іх па шляху прымірэння і супакою.
Учора ў Бразіліі
была абвешчана благаслаўлёнай Францішка дэ Паўла дэ Хэсус, вядомая як “Нха Чыка”.
Яе простае жыццё было цалкам прысвечана Богу і любові, настолькі, што яе называлі
“маці бедных”. Яднаюся з радасцю Касцёла ў Бразіліі за гэту светлую вучаніцу Пана.
З
любоўю вітаю ўсе прысутныя брацтвы, якія прыбылі з розных краін свету. Дзякуй за ваша
сведчанне веры! Вітаю парафіяльныя групы і сем’і, а таксама ўдзельнікаў шэсця музыкальных
калектываў і асацыяцыі “Schutzen”, якія прыбылі з Германіі.
Асаблівае прывітанне
скіроўваю сёння да асацыяцыі “Meter” у Дзень абароны дзяцей ад насілля. Гэта мне дае
нагоду звярнуць думкі да тых, хто пакутаваў і пакутуе з прычыны насілля. Я хачу запэўніць
іх у тым, што яны прысутнічаюць у маёй малітве, а таксама моцна сказаць, што мы ўсе
павінны з яснасцю і адвагай дзейнічаць, каб кожны чалавек, асабліва дзеці, які адносяцца
да самай уразлівай катэгорыі, былі заўсёды абаронены і агорнуты клопатам”.
Напрыканцы
сваёй кароткай прамовы Папа заклікаў быць мужнымі хворых лёгачнай гіпертэнзіяй і іх
блізкіх, у сувязі з міжнародным днём барацьбы з гэтай хваробай.