Mijëra besimtarë artodoksë, kremtuan mesnatën e së shtunës, deri në orët e para të
mëngjesit të sotëm festën e Pashkëve. Liturgjitë e Shenjta Hyjnore të solemnitetit
të Ngjalljes së Krishtit – Pashkëve janë kremtuar në të gjithë Shqipërinë, ndërsa
në Tiranë Liturgjia Hyjnore e Pashkëve është mudhëhequr në katedralen e re të kryeqytetit
"Ringjallja e Krishtit" nga Kryepeshkopi i Tiranës, Durrësit e i Gjithë Shqipërisë,
hirësia e tij Anastas Janullatos. Kryeministri i Shqipërisë, Sali Berisha uroi
sot të gjithë besimtarët ortodoks të vendit, me rastin e Festës së Pashkëve. Me
këtë rast, kreu i qeverisë së Shqipërisë zhvilloi një vizitë në Katedralen e re Ortodokse
"Ringjallja e Krishtit" në Tiranë ku u takua me kryepeshkopin Janullatos. Në prononcimin
për mediat, duke përcjellë mesazhin e tij të urimit të Pashkëve për besimtarët ortodoksë,
Berisha u shpreh s kjo festë "është ditë e shenjtë e besimtarëve të krishterë por
edhe e besimtarëve të Zotit që admirojnë e nderojnë përjetësinë, shpresën , besimin
tek e ardhmja". "Është një rast i veçantë për mua, që ti shpreh hirësisë së tij,
kryepeshkopit Janullatus mirënjohjen më të thellë, nderimin më të madh për punën e
tij të madhe që ka bërë në ringjalljen e kishës ortodokse shiptare por edhe për përkushtimin
e tij të madh për të ndihmuar Shqipërinë dhe shqiptarët në këtë periudhë në të gjithë
aspektet. Është një nderim i madh për etërit e kishës autoqefale që bën që kisha të
shndërrohet në tempullin e Zotit dhe të atdhedashurisë së madhe", tha Berisha, njofton
ATSH-ja.