Дзясяткі рымскіх касцёлаў
раніцай 3 мая прынялі ў сябе ўдзельнікаў свята каталіцкіх брацтваў. 60 тысяч іх членаў
з цэлага свету прымаюць напрацягу трох дзён удзел у мерапрыемствах Года веры, прысвечаных
брацтвам і народнай пабожнасці. Іх арганізавала Папская рада па новай евангелізацыі,
каб звярнуць больш ўвагі да гэтай жывой касцёльнай рэчаіснасці – супольнасцяў свецкіх,
моцна заангажаваных ў справы міласэрнасці і пастырства. Як паведамляе сённяшняя
“Avvenire”, ўдзельнікі падзелены на моўныя групы. Сёння раніцай усе яны прайшлі працэсіяй
ад плошчы св. Пятра да магілы апостала, дзе адбылося малітоўнае чуванне. Вечарам ў
сталічным касцёле св. Марыі анёлаў і мучанікаў катэхезу для ўдзельнікаў сустрэчы правядзе
старшыня Папскай рады па новай евангелізацыі арцыбіскуп Рына Фізікела, а затым кардынал
Дзяржсакратар Тарчызіо Бэртонэ будзе цэлебраваць св. Імшу. Заўтра 5 мая – кульмінацыя
Сустрэчы: члены касцёльных брацтваў прымуць удзел ва ўрачыстай Эўхарыстыі на плошчы
св.Пятра, якую ўзначаліць Папа Францішак.