Святы Айцец: мець адвагу ў абвяшчэнні Евангелля і малітве
Усе хрысціяне маюць
абавязак з адвагай перадаваць веру. На гэта звярнуў увагу Францішак падчас Эўхарыстыі
ў Доме св. Марты раніцай 3 мая. У св. Імшы прынялі ўдзел швейцарскія гвардзейцы разам
са сваім камандуючым Даніэлем Рудольфам Анрыгам. У гаміліі Пантыфік засяродзіўся менавіта
на тэме адвагі ў абвяшчэнні Евангелля. Усе мы, хрысціяне, якія атрымалі веру, “павінны
яе перадаваць”, “абвяшчаць яе сваім жыццём і словам”. Перш за ўсё Папа заклікаў сведчыць
“аб веры ў Езуса Уваскрослага, у Езуса, які нам прабачыў грахі і праз сваю смерць
прымірыў з Айцом”. Францішак падкрэсліў, што не працягу гісторыі існавала шмат розных
спробаў развеяць упеўненасць вернікаў ва ўваскрасенні Хрыста і казаць толькі праўуваскрасенне
духоўнае. “Не, Хрыстус жывы!”, - сказаў Пантыфік і заклікаў з адвагай сведчыць пра
гэта: абвяшчаць Хрыста Уваскрослага, Добрую Навіну.
Святы Айцец падкрэсліў,
што існуе яшчэ адзін від адвагі, які тычыцца не толькі абвячшэння Евангелля, але таксама
малітвы. Ён заклікаў мужна звяртацца да Езуса і прасіць аб дапамозе ў распаўсюджванні
веры, евангелізацыі, у вырашэнні праблем. “Ці мы маем гэту адвагу ў малітве? Ці молімся
так сабе, як можам, губляючы трохі часу на малітве?”, - спытаў Папа. Ён прывёў прыклад
Абрагама і Майсея, якія мелі адвагу “весці перамовы з Панам” – адвагу “на карысць
іншых, Касцёла”.
“Калі Касцёл губляе адвагу, у яго уваходзіць атмасфера “цяплыні”.
“Цёплыя”, “цёплыя хрысціяне”, “без адвагі”... Гэта прыносіць шмат зла Касцёлу, таму
што “цяплыня” цягне назад, паміж намі пачынаюцца праблемы; не маем гарызонтаў, не
маем адвагі ні для малітвы да Неба ні каб абвяшчаць Евангелле. Становімся цёплымі...
Не маем адвагі парваць з нашымі маленькімі слабасцямі, рэўнасцю, зайздарсцю, кар’ерызмам,
эгаізмам...”, - сказаў Святы Айцец.
Папа адзначыў, што ўсё гэта шкодзіць Касцёлу,
які павінен быць мужным. “Мы ўсе павінны быць адважнымі ў малітве”, - заклікаў Пантыфік.