Ֆրանչիսկոս Սրբազան Քահանայապետի Գործունէութիւնը

Այսօր 2 մայիս 2013, ֆրանչիսկոս Սրբազան Քահանայապետը առաւօտեան ժամը 11-ին ընդունեց Դաշնակցային Ռուսիոյ նոր դեսպան՝ Տիար Ալեքսանտր Ավտիւ, որ իր հաւատարմագրերը ներկայացուց Սրբազան Հօր։
Ապա ժամը 11.20-ին՝ Նորին Սրբութիւնը ընդունեց Ընկերային հաղորդակցութեան Քահանայապետական խորհուրդի նախագահը գերապայծառ Գլաուտիօ Մարիա Զելլին, հուսկ՝ ժամը 12.20-ին ունկնդրութիւն շնորհեց Սլովաքիոյ դեսպան՝ Տիար Ժոզէֆ Տրավէզքիին, հրաժեշտի այցելութեան առթիւ։
Յետմիջօրէին ժամը 16.50-ին ֆրանչիսկոս Սրբազան Քահանայապետը Վատիկանի Մադեր Էգգլէզիա Մենաստանի մէջ, կը դիմաւորեց վաստակաւոր Քահանայապետ Պենետիկտոս ԺԶ-ը, որ երկու ամիսէ քահանայապետական ամարանոցն էր ու այժմ Վատիկան կը վերադառնայ, վերջնականապէս հաստատուելու '' Mater Ecclesiae '' մենաստանին մէջ։
Նշենք որ '' Mater Ecclesiae-Մայր Եկեղեցւոյ'' անուան մենաստանը կառուցուած է Վատիկանի մէկ բլուրին վրայ, 20 տարի առաջ, երանելի Յովհաննէս Պօղոս Բ Քահանայապետի կամքով։ Մենաստանը, որ Վատիկանի միւս շէնքերէն առանձնացած է ու պարիսպներով շրջապատուած, առիթ պիտի տայ Պենետիկտոս ԺԶ վաստակաւոր Քահանայապետին աղօթքի ու մտածականի անդորր կեանք մը վարելու այնպէս ինչպէս յայտնած էր Ան իր հրաժարականի պահուն։
Դիմաւորելէ ետք՝ Վաստակաւոր Քահանայապետը, ֆրանչիսկոս Սրբազան Հայրը ժամը 18-ին հանդիպում կ՝ունենայ Սուրբերու ժողովի կառավարիչ՝Կարտինալ Անճէլօ Ամաթոյին հետ։